Пятница, 29.03.2024, 10:37
Приветствую Вас Гость | RSS | Регистрация | Вход
Перамога насуперак фалам (+ табліца розыгрыша) | 19:57 |
У суботу, 13 чэрвеня ФК "Рудзенск" на выездзе гуляў супраць дзяржынскай "Лівадзіі". Нягледзячы на цяжкі ход матча, рудзенскія футбалісты чарговы раз перамаглі. Пераможная серыя "Рудзенска" доўжыцца 7 матчаў запар. Наступная гульня ўжо ў сераду. Гэтым разам - на "хатнім" полі.
Гульня супраць аднаго з аўтсайдэраў ІІ лігі Чэмпіянату Беларусі па футболу выдалася надзіва цяжка для нашай каманды. Прычына ў адмысловай тэхніцы супернікаў: па колькасці фалоў супраць гульцоў "Рудзенска" суботні матч пакуль прэтэндуе на рэкорд першынства.
На пачатку матча "Рудзенск" надзіва не праводзіў звыклага штурма штафной супернікаў і пачаў на невялікіх хуткасцях. "Лівадзія", у спадзеве атрымаць прынамсі адно ачко, сыйшла ў абарону практычна ўсёй камандай. І пэўны час такая тактыка прыносіла плён. Нягледзячы на вялікую колькасць атак, брама дзяржынскага заставалася "некранутай". Гульня мела шансы скончыцца сухой нічыёй каб не знос у штрафной нападніка "Рудзенска". Прызначаны пенальці рэалізаваў Аляксандар Тарлікоўскі. Лік о-1 на карысць "Рудзенска" і стаў выніковым у гэтай гульні. Пасля 8 тураў наша каманда мае 7 праведзеных сустрэчаў і 7 перамог. З адной гульнёй у запасе і адрывам ад бліжэйшага канкурэнта ў 3 пункты Рудзенск займае першы радок турнірнай табліцы. Асобна варта зазначыць выхад на новы ўзровень фанацкага руху "Рудзенска". На выездным матчы прысутнічала блізу 20 спагадачоў з клубнай сімволікай. Наступны матч паводле календара ФК "Рудзенск" правядзе ўжо гэтай серады супраць "Бярозы". Нашыя супернікі ў прайшоўным туры згулялі ўнічыю з клецкім "Клечаскам" і, маючы 5 заліковых пунктаў знаходзяцца на 12 месцы турнірнай табліцы. | |
Просмотров: 1460 | Добавил: svislac | Рейтинг: 0.0/0 | |
Всего комментариев: 0 | |