ФК "Руденск"

Бліжэйшай суботу ФК "Рудзенск" дэбютуе у 1/16 кубка Беларусі. Нашай камандзе давядзецца на сваім полі памерацца сіламі з клубам Вышэйшай Лігі - ФК "Мінск". Фармат розыгрыша прадугледжвае толькі 1 гульню. Таму ў разе калі Рудзенск выйграе ён праходзіць у 1/8 фінала.

І, улічваючы якасць гульні й узровень падрыхтоўкі нашых футбалістаў - задача цалкам рэальная. ФК "Рудзенск" - аднаасобны лідар розыгрыша ІІ Лігі Чэмпіяната Беларусі па Футболу. Склад каманды - удалае паяднанне дасведчаных гульцоў і выхаванцаў мясцовых футбольных школ. Значная частка складу мінулым сезонам выступала за Дарыду у вышэйшай лізе першынства. Але большасць усё ж такі - выхаванцы нашых футбольных школ.

Пры гэтым якасць гульні нашай моладзі ўжо па выніках першага туру прыцягнула ўвагу "скаўтаў" каманд вышэйшага дывізіёна. рудзенск удала правёў апошнія гульні (2 таварыскія з камандай з Катара) і выездную з Віцебскім "Мясакамбінатам". Такі адрэзак дазволіў Івану Барташэвічу апрабаваць новыя звязкі футбалістаў каб, у тым ліку, і здзівіць супернікаў у кубкавай гульні.

Наш Супернік:
ФК "Мінск" - каманда якую, як і суперніка па 1/32 фінала,  таксама можна назваць спадкаемцам Мінскага "Тарпеда". "Мінск" быў заснаваны як вынік рэарганізацыі футбольнгага клуба "Тарпеда-СКА" у 2006 годзе. Каманда упэўнена выйшла ў вышэйшую лізу з нізжых дывізіёнаў. І на сёння займае 9 радок у турнірнай табліцы. Пры гэтым, варта зазначыць, што "гаражане" уражваючы правялі летнія гульні Чэмпіянату: 3 гульні - 3 перамогі. Ахвярамі "фарту" "Мінску" сталі Брэсцкае і Мінскае "Дынама" а таксама ФК "Смаргонь". Аднак, нягледзячы на вышэйсказанае, "Мінск" не з'яўляецца той камандай, якую немагчыма прайсці. Асабліва, улічваючы невялікую колькасць інфармацыі пра рэальныя сілы нашага клуба.

Вельмі шмат чаго залежыць ад настроя нашых гульцоў і падтрымкі трыбун. 

Даезд
Таму запрашаем усіх нашых чытачоў у суботу на Футбол! Пачатак матчу -  18 гадзін.

Каб не спазніцца - даем план праходу да стадыёна і расклад транспарту. 
Калі едзеце маршруткай - выгодней даязжаць не да апошняга прыпынку (вактал) а выходзіць на "пераездзе". Ісці амаль удвая меней.

Варта заўважыць што дарога пехам зойме ад 10 да 15 хвілін ад "пераезда" і ад 15 да 20 хвілін ад вакзала.

Пры гэтым, калі ёсць жаданне папіць разліўнога піва перад гульнёй - прыйдзецца ехаць да вакзала. Па дарозе ад "пераезда" - перыядычна працуе толькі 1 кропка. І гарантыі, што яна будзе "актыўна" у суботу няма ніякай.

Пабачымся на футболе!